ཁྱོན་ཡོངས་ནས་གནའ་དེང་ཤེས་ཡོན་གཉིས་ལྡན་གྱི་མི་སྣ་བསྐྱེད་བསྲིང་བྱ་རྒྱུ་གལ་ཆེ།

མདུན་ངོས། / ཁྱོན་ཡོངས་ནས་གནའ་དེང་ཤེས་ཡོན་གཉིས་ལྡན་གྱི་མི་སྣ་བསྐྱེད་བསྲིང་བྱ་རྒྱུ་གལ་ཆེ།

བོད་ཁ་བ་གངས་ཅན་གྱི་ལྗོངས་སུ་བསྟན་སྲིད་མི་རིགས་དང་བཅས་པར་བསམ་ཡུལ་ལས་འདས་པའི་དུས་འགྱུར་གྱི་གོད་ཆགས་ཚབས་ཆེན་བྱུང་ཡོད་ཀྱང༌། གཙོ་བོར་རྒྱ་གར་གཞུང་མང་གི་ཤ་ཚ་ཟོལ་མེད་ཀྱི་རྒྱབ་སྐྱོར་ལ་བརྟེན་ནས་བཙན་བྱོལ་ནང་བོད་མིའི་གཞུང་གི་སྒྲིག་འཛུགས་ཤིག་ཚུགས་ཏེ་བོད་ཀྱི་ཆབ་སྲིད་དང༌། ཆོས་རིག་སོགས་ཕྱོགས་ཡོངས་ཀྱི་གནས་སྟངས་ལ་ཡར་རྒྱས་ཆེན་པོ་བྱུང་བ་དང༌། ད་རེས་བྱང་རྩེ་གྲྭ་ཚང་གི་འདུ་ཁང་རྟེན་དང་བརྟེན་པར་བཅས་པ་གེགས་མེད་ལམ་ལྷོང་ལྡན་པའི་ངང་འཛུགས་བསྐྲུན་ལེགས་གྲུབ་ཟིན་ཡོད། གཏོང་ཕོད་ཆེན་པོས་མཐུན་རྐྱེན་གནང་མཁན་ཡོངས་ལ་བསྔགས་བརྗོད་དང་ཐུགས་རྗེ་ཆེ་ཞེས་ཞུ་རྒྱུ་ཡིན། གལ་ཆེ་ཤོས་དགོན་པའི་བཤད་སྒྲུབ་འཁོར་ལོ་གསུམ་གྱི་འཆད་ཉན་ལ་ཤུགས་བརྒྱབ་རྒྱུ་དང༌། གང་འཆད་ཉན་བྱས་པའི་དོན་རྣམས་རྒྱུད་ཐོག་ཏུ་བཀལ་ཏེ་ཉམས་ལེན་ཚུལ་བཞིན་གནང་རྒྱུ་གལ་ཆེན་ཡིན། དགོན་པ་དང་སྤྱི་ཚོགས་སྤྱི་ཡོངས་ནས་དེང་དུས་ཀྱི་ཤེས་ཡོན་སྤྱི་དང་ལྷག་པར་ཚན་རིག་གི་ཤེས་ཡོན་ལ་ཤུགས་བརྒྱབ་སྟེ་གཞོན་སྐྱེས་རྣམས་གནའ་དེང་ཤེས་ཡོན་གཉིས་ལྡན་གྱི་མི་སྣར་བསྐྱེད་བསྲིང་བྱ་རྒྱུ་ཤིན་ཏུ་གལ་ཆེ་ཡིན། མདོར་ན།   རྒྱ་ནག་ནང་གི་འཕོ་འགྱུར་སྐོར་དང་། བོད་མི་རིགས་ཀྱི་སྙིང་སྟོབས་དང་སྤོབས་པ། མི་མང་གི་འཚོ་བ་སྔར་བས་བཟང་དུ་གཏོང་ཐབས་སུ་ཐུན་མོང་གི་འགན་འཁུར་ལེན་དགོས།

(ཕྱི་ལོ་ ༢༠༠༢ ཟླ་ ༡༢ ཚེས་ ༡༩ ཉིན་གྱི་སྔ་དྲོ་གྷོ་ཝ་ནས་ཆིབས་ཞལ་བསྒྱུར་ཏེ་མོན་གྷོར་ཞབས་འཁོད་ཀྱིས་མི་མང་ལས་བསྡོམས་ཚོགས་འདུའི་ཐོག་སྩལ་པ་ལས་བཏུས།)