དེང་སྐབས་ཚན་རིག་པས་ཀྱང་སེམས་དེ་གནས་སྐབས་གང་ཡིན་ཀྱང་གལ་ཆེན་པོར་ངོས་འཛིན་བཞིན་འདུག  

མདུན་ངོས། / དེང་སྐབས་ཚན་རིག་པས་ཀྱང་སེམས་དེ་གནས་སྐབས་གང་ཡིན་ཀྱང་གལ་ཆེན་པོར་ངོས་འཛིན་བཞིན་འདུག  


སྔར་འཛམ་གླིང་གི་ཚན་རིག་པས་ཕྱི་དངོས་པོ་ཁོ་ནའི་སྟེང་དུ་བརྟག་དཔྱད་དང་འགྲེལ་བཤད་བྱས་པ་དང་། དེ་གཅིག་པུའི་སྟེང་ནས་འགྲེལ་བཤད་རྒྱག་ཐུབ་པར་ཡིད་ཆེས་བྱས་ཏེ་བཙལ་ནས་བསྡད་པ་རེད།  བདེན་རྫུན་ཕྱི་རུ་བཙལ་ནས་བསྡད་ཀྱང་དེང་སང་ཕྲ་མོ་ཕྲ་མོའི་སྟེང་དུ་དཔྱད་སྐབས་སེམས་ཀྱིས་འདོགས་སྟངས་སམ་སེམས་ཀྱི་ཐ་སྙད་སྦྱོར་སྟངས་ལ་ཧ་ཅང་ལྟོས་ཚབས་ཆེན་པོ་འདུག་ཅེས་འཆད་བཞིན་ཡོད། དཔེར་ན།  དེང་གི་སྨན་གཞུང་རིག་པའི་ནང་དུའང་སེམས་ཀྱིས་འཕེན་པ་གཏོང་ཕྱོགས་ལས་ནད་གསོ་བ་དང་ནད་ཉུང་བ་སོགས་ལ་ཁྱད་པར་འདུག་ཅེས་སེམས་ལ་དོ་སྣང་ཆེ་རུ་འགྲོ་བཞིན་འདུག  །དེང་སྐབས་ཚན་རིག་གི་དཔྱད་པ་ཇེ་ཟབ་ཏུ་ཕྱིན་ཏེ་ལུས་ཀྱི་རྡུལ་ཕྲན་སོགས་གཟུགས་ཅན་འབའ་ཞིག་ལ་དཔྱད་པ་ཙམ་མ་ཡིན་པར་ནང་གི་སེམས་དེ་གནས་སྐབས་གང་ཡིན་ཀྱང་གལ་ཆེན་པོ་ཡིན་པར་ངོས་འཛིན་བྱེད་བཞིན་ཡོད་པ་རེད།  
                           

 (༡༩༩༧ ཟླ་༡༢  པའི་ནང་སེར་བྱེས་སུ་སྟོང་ཐུན་བཀའ་ཁྲིད་གནང་བ་ལས་བཏུས།  )