ཕྱི་ལོ་ ༢༠༢༠ ལོའི་མཛད་འཆར།

༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་གསུང་ཆོས་དང་བཀའ་སློབ་ཀྱི་མཛད་འཆར་ཐད། དམིགས་བསལ་གྱི་གནས་ཚུལ་ལས་དེ་མིན་༸རྒྱལ་བའི་གསུང་ཆོས་ཁག་ཡོངས་རྫོགས་མི་མང་ལ་རིན་དོད་མེད་པའི་ཐོག་གནང་གི་ཡོད་ཅིང་། ལག་འཁྱེར་ཐོག་གསུང་ཆོས་དང་བཀའ་སློབ་ཡོད་རིགས་འབྲེལ་ཡོད་གོ་སྒྲིག་ཚོགས་ཆུང་ལ་ཐད་ཀར་རམ་དེ་གའི་དྲ་རྒྱའི་ཁ་བྱང་བརྒྱུད་འབྲེལ་བ་བྱེད་དགོས།

བཞུགས་སྒར་རྡ་སར་གསུང་ཆོས་སྩོལ་སྐབས་ཆོས་ཞུ་བ་ཚོས་དེབ་འགོད་ངེས་པར་བྱེད་དགོས། དེབ་འགོད་ནི་གསུང་ཆོས་མ་ཚུགས་པའི་ཉིན་ཤས་སྔོན་ནས་འགོ་འཛུགས་ཀྱིས་གསུང་ཆོས་ཀྱི་ཉིན་དང་པོ་བར་བྱེད་དགོས། དེབ་འགོད་བྱེད་ཡུལ་མེག་ལོར་གྷན་ཇིར་ཡོད་པའི་བདེ་སྲུང་ཡན་ལག་ལས་ཁུངས་སུ་སྔ་དྲོའི་ཆུ་ཚོད་ ༩ ནས་ ༡ བར་དང་། ཉིན་རྒྱབ་ཆུ་ཚོད་ ༢ ནས་ ༥ བར་བྱེད་དགོས།  དེབ་འགོད་སྐབས་ཆོས་ཞུ་བ་སོ་སོས་ངོ་སྤྲོད་ལག་འཁྱེར་རམ་ཕྱི་བསྐྱོད་ལག་འཁྱེར་མཉམ་འཁྱེར་ཐོག་ལས་དོད་སྣེ་སེལ་ཧིན་སྒོར་ ༡༠ རེ་འབུལ་དགོས།

ཚང་མའི་མཁྱེན་རྟོགས་ཆེད་ཞུ་རྒྱུར། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆེས་ཐོག་མའི་དགོངས་གཞི་ལྟར་གསུང་ཆོས་དང་བཀའ་སློབ་ནམ་སྩོལ་སྐབས་འབུལ་བ་ནམ་ཡང་བཞེས་ཀྱི་མེད། ༸རྒྱལ་བའི་གསུང་ཆོས་དང་བཀའ་སློབ་གོ་སྒྲིག་ཞུ་མཁན་ཚོགས་པ་སྒྲིག་འཛུགས་ཡོངས་ནས་གསུང་ཆོས་གྲ་སྒྲིག་ཞུ་ཡུལ་ཚོགས་ཁང་སོགས་ཀྱི་འགྲོ་སོང་ལྡེང་ཙམ་གྱི་ཆེད་ལག་འཁྱེར་རིན་དོད་གང་ཆུང་ཆུང་གནང་དགོས་པའི་གཞེན་སྐུལ་ཞུ་རྒྱུ་དང་།

གཤམ་དུ་གསལ་བའི་གསུང་ཆོས་དང་བཀའ་སློབ་ཀྱི་ཚེས་གྲངས་ལ་འགྱུར་བ་འགྲོ་སྲིད།

༢༠༢༠

ཟླ་ ༡ པོ། 

ཚེས་ ༢ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་རྒྱལ་སྲས་ཐོགས་མེད་བཟང་པོས་མཛད་པའི་རྒྱལ་སྲས་ལག་ལེན་སོ་བདུན་མའི་གསུང་ཆོས་སྩལ་རྒྱུ།

ཚེས་ ༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་སྤྱན་རས་གཟིགས་ཀྱི་བཀའ་དབང་བཀའ་དྲིན་སྩལ་རྒྱུ།

ཚེས་ ༤ ནས་ ༦ བར་ཉིན་གྲངས་གསུམ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འཇམ་དབྱངས་ཆོས་སྐོར་གྱི་ཕྱི་ལོ་ ༢༠༡༨ ལོའི་འཕྲོས་ཆོས་འབྲེལ་བཀའ་དྲིན་སྩལ་རྒྱུ།

ཟླ་ ༣ པ། 

རྒྱ་ནག་ཝུ་ཧན་གྲོང་ཁྱེར་ནས་ཐོག་མར་མཆེད་པའི་ཏོག་དབྱིབས་ནད་དུག་གསར་པའི་གློ་ཚད་རིམས་ནད་ (COVID-19) ཀྱི་གནས་ཚུལ་ཛ་དྲག་ཆེ་བར་བརྟེན་ཟླ་ ༣ ཚེས་ ༩ དང་བོད་ཟླ་ ༡ ཚེས་ ༡༥ ཉིན་ཆོ་འཕྲུལ་སྨོན་ལམ་ཆེན་མོའི་བཀའ་ཆོས་ཕྱི་བཤོལ་གནང་ཡོད་པ་དགོངས་མངའ་མཁྱེན། ཐུགས་རྗེ་ཆེ།   (ཚེས་ ༩ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སློབ་དཔོན་དཔའ་བོས་མཛད་པའི་སྐྱེས་རབས་སོ་བཞི་བའི་གསུང་ཆོས་བཀའ་དྲིན་སྩལ་རྒྱུ། )


ཟླ་ ༦ པ། 

ཚེས་ ༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་བརྒྱུད་ནང་བསྟན་ཆོས་ཚོགས་ཀྱིས་ཇི་ལྟར་གསོལ་འདེབས་ཞུས་དོན་ལྟར་ལྷོ་ཤར་ཨེ་ཤ་ཡའི་གཞོན་སྐྱེས་རྣམས་ལ་སྔ་དྲོ་ཆུ་ཚོད་ ༨།༠༠ ནས་ ༩།༣༠ བར་དུ་དྲ་ལམ་བརྒྱུད་བཀལ་སློབ་སྩལ་རྒྱུ་དང་། དེ་རྗེས་དྲི་བ་དྲིས་ལན་གནང་རྒྱུ་དེ་བཞིན་དགའ་ལྡན་ཕོ་བྲང་ཡིག་ཚང་གི་སྐད་རིགས་སོ་སོའི་དྲ་ལམ་ནས་ཐད་གཏོང་ཞུ་རྒྱུ། 

ཚེས་ ༡༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྲ་ལམ་བརྒྱུད་ཇཻ་པུར་རྩོམ་རིག་དུས་སྟོན་གྱི་དཔའ་ངར་ལྡན་པའི་འཛམ་གླིང་(JLF Brave New World) ཞེས་པ་དང་འབྲེལ་སྔ་དྲོ་ཆུ་ཆོད་ ༩།༠༠ ནས་ ༡༠།༠༠ བར་རྩོམ་པ་པོ་དང་གསར་འགོད་པ་གྲགས་ཅན་ཕི་ཀོ་ཨ་ཡར་(Pico Iyer)ལགས་དང་ལྷན་དུ་གྲོས་མོལ་གནང་རྒྱུ་དང་། མཛད་རིམ་འདི་བཞིན་དགའ་ལྡན་ཕོ་བྲང་ཡིག་ཚང་གི་སྐད་རིགས་སོ་སོའི་དྲ་ལམ་ནས་ཐད་གཏོང་ཞུ་རྒྱུ། 

 ཚེས་ ༢༠ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སེམས་དང་སྲོག་གི་ཚོགས་འདུ་དང་འབྲེལ་བའི་ཐོག་ནས་ཨ་རིའི་ཝིསི་ཀོན་མཐོ་སློབ་ཆེན་མོའི་སེམས་ཁམས་རིག་པའི་སླབ་དཔོན་ཆེན་པོ་དང་སེམས་ཀྱི་བདེ་གནས་ཉམས་ཞིབ་ཁང་གི་འཛུགས་མཁན་དང་དབུ་འཛིན་གཅིག་ལྕོགས་ཚན་རིག་མཁས་དབང་སྐུ་ཞབས་རི་ཆི་ ཌེ་ཝིཌ་སོན་Richie Davidson དང་ལྷན་བགྲོ་གླེང་གནང་རྒྱུ་དང་ར། རྦོལ་ཌར་དུ་ཡོད་པའི་ཁོ་ལོ་ར་ཌོ་གཙུག་ལག་སློབ་གཉེར་ཁང་གི་སེམས་ཁམས་དང་ཀླད་རྩའི་སློབ་དཔོན་སོ་ན་ ཌི་མིཌ་ཡན་ Sona Dimidjian ནས་དེའི་མདོ་འཛིན་པ་གནང་རྒྱུ་དང་། མཛད་རིམ་འདི་བཞིན་དགའ་ལྡན་ཕོ་བྲང་ཡིག་ཚང་གི་སྐད་རིགས་སོ་སོའི་དྲ་ལམ་ནས་ཐད་གཏོང་ཞུ་རྒྱུ། 

ཚེས་ ༢༦ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཧ་རུ་ཡ་ན་གྷུར་སྒང་གི་ཨ་མེ་དྲི་གཙུག་ལག་སློབ་གཉེར་ཁང་(Amity University)ཁང་གི་སློབ་ཕྲུག་རྣམས་ལ་སྙིང་རྗེ་དང་ཞི་བདེ་ལྡན་པའི་མ་འོངས་པའི་འཛམ་གླིང་གི་འཆར་(Vision of a Compassionate and Peaceful World)ཐོག་ལ་དྲ་ལམ་བརྒྱུད་ནས་བཀའ་སློབ་སྩལ་རྒྱུ་དང་། དྲི་བར་བཀའ་ལན་སྩལ་རྒྱུ། མཛད་རིམ་འདི་བཞིན་དགའ་ལྡན་ཕོ་བྲང་ཡིག་ཚང་གི་སྐད་རིགས་སོ་སོའི་དྲ་ལམ་ནས་ཐད་གཏོང་ཞུ་རྒྱུ། 

ཟླ་ ༧ པ། 

ཚེས་ ༥ ཉིན་ཐེ་ཝན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་༨༥ ཕེབས་པའི་སྐུའི་འཁྲུངས་སྐར་གྱི་དགའ་སྟོན་རོལ་དབྱངས་འདུ་འཛོམས་དང་འབྲེལ་རྒྱ་གར་གྱི་སྔ་དྲོ་ཆུ་ཚོད་ ༡༠།༣༠ ནས་ ༡༡།༠༠ བར་མགོན་པོ་གང་ཉིད་མཆོག་གིས་དྲ་ལམ་བརྒྱུད་བློ་སྦྱོང་སྐོར་གྱི་བཀའ་ཆོས་དང་བཀའ་སློབ་སྩལ་རྒྱུ།

བཀའ་ཆོས་བོད་སྐད་ཐོག་དྲ་ལམ་བརྒྱུད་ནས་སྩལ་རྒྱུ་དང་།  ཨིན་ཇི། རྒྱ་གར། བལ་ཡུལ། རྒྱ་ནག། ཕེ་རན་སི། ར་ཤི་ཡ། སི་པེན། ཝི་ཏ་ནམ། ཉི་འོང་། སོག་པོ། ཀོ་རི་ཡ། ཇར་མི་ནི། པོར་ཇུ་གྷལ་དང་ཨི་ཊ་ལི་བཅས་ཀྱི་སྐད་རིགས་ནང་གསུང་སྒྱུར་ཞུས་ཏེ་ཐད་གཏོང་གནང་རྒྱུ་ལགས་ན། དོན་གཉེར་ཅན་རྣམས་ནས་དགའ་ལྡན་ཕོ་བྲང་གི་དྲ་ཚིགས་དང་། ༸གོང་ས་མཆོག་གི་ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ། འདིར་ནོན།  

ཚེས་ ༨ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་བཞུགས་སྒར་ཕོ་བྲང་གི་གཟིམ་ཆུང་ནས་སྔ་དྲོ་ཆུ་ཚོད་ ༡༠ ནས་ ༡༡ བར་དྲ་ལམ་ཐད་གཏོང་བརྒྱུད་ཨིན་ཇིའི་རྒྱལ་ས་ལོན་ཌན་གྱི་སྐོར་སྲུང་བ་ལ་བཀའ་སློབ་མདོར་བསྡུས་ཤིག་དང་འབྲེལ་ཡོད་འགན་འཛིན་དང་ལས་བྱེད་རྣམ་པའི་དྲི་བར་བཀའ་ལན་གནང་རྒྱུ། བཀའ་སློབ་འདི་བཞིན་དོན་གཉེར་ཅན་གྱི་གསན་གཟིགས་གནང་མཁན་རྣམ་པས་ས་གནས་སོ་སོའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།

ཚེས་ ༡༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་བཞུགས་སྒར་ཕོ་བྲང་གི་གཟིམ་ཆུང་ནས་རྒྱ་གར་གྱི་སྔ་དྲོ་ཆུ་ཚོུད་༨ ནས་ ༩ བར་དྲ་ལམ་ཐད་གཏོང་བརྒྱུད་གྷོར་གྷོ་པལ་དྷ་སེ་ཞེས་པ་རྒྱལ་སྤྱིའི་ཀི་རི་ཤི་ནའི་རྣམ་ཤེས་ཚོགས་པའི་ཚོགས་མི་ཞིག་དང་ལྷན་དུ་་གསུང་མོལ་གནང་རྒྱུ་ལགས་ཤིང་། དེ་དུས་དོན་གཉེར་ཅན་རྣམ་པས་མགོན་པོ་གང་ཉིད་ཀྱི་དྲ་རྒྱ་དང་ངོ་དེབ་ནང་བོད་སྐད་དང་། ཨིན་ཇི། དེ་བཞིན་རྒྱ་སྐད་སོགས་སྐད་ཡིག་གཞན་དུ་ཐད་ཀར་གསན་གཟིགས་གནང་ཐུབ་པ་ལྟར། ས་གནས་སོ་སོའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།

ཚེས་ ༡༧ ནས་ ༡༩ བར་ཉིན་གྲངས་གསུམ་རིང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དཔལ་ནཱ་ལེནྜའི་སློབ་མའི་ཚོགས་པ་ཞེས་རྒྱ་གར་གྱི་ནང་པའི་ཚོགས་པ་ཞིག་ནས་ཇི་ལྟར་གསོལ་བ་བཏབ་པ་བཞིན་སྔ་དྲོ་ཆུ་ཚོད་ ༩།༠༠ ནས་ ༡༠།༣༠ བར་དཔལ་ལྡན་ཟླ་གྲགས་ཀྱིས་མཛད་པའི་བསྟན་བཅོས་དབུ་མ་འཇུག་པའི་བཀའ་ཆོས་སྩལ་རྒྱུ་དང་། ཚོགས་པ་དེའི་ཚོགས་མི་རྣམས་དང་ལྷན་དུ་དྲི་བ་དྲིས་ལན་གནང་རྒྱུ། 

བཀའ་ཆོས་དེ་ཨིན་ཇི། རྒྱ་གར། བལ་ཡུལ། རྒྱ་ནག། ཕེ་རན་སི། ར་ཤི་ཡ། སི་པེན། ཝི་ཏ་ནམ། ཉི་འོང་། སོག་པོ། ཀོ་རི་ཡ། ཇར་མི་ནི། པོར་ཇུ་གྷལ་དང་ཨི་ཊ་ལི་བཅས་ཀྱི་སྐད་རིགས་ནང་གསུང་སྒྱུར་ཞུས་ཏེ་ཐད་གཏོང་གནང་རྒྱུ་ལགས་ན། དོན་གཉེར་ཅན་རྣམས་ནས་དགའ་ལྡན་ཕོ་བྲང་གི་དྲ་ཚིགས་དང་། ༸གོང་ས་མཆོག་གི་ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།  འདིར་ནོན།  

ཚེས་ ༢༣ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རྡ་རམ་ས་ལའི་བཞུགས་སྒར་ཕོ་བྲང་ནས་དྲ་རྒྱ་བརྒྱུད་རྒྱ་གར་གྱི་རིགས་རྒྱུད་དུ་གཏོགས་པའི་རྒྱལ་སྤྱིའི་སྨན་པའི་ལྷན་ཚོགས་དང་།  ཡོ་གའི་མཁས་དབང་དག་གི་ཆེད་སྨན་གྱི་ཚད་མཐོའི་སློབ་གཉེར་དང་ཞིབ་འཇུག་ཟུང་འབྲེལ་གྱི་གཙུག་ལག་ཁང། དེ་བཞིན་རྒྱ་གར་གྱི་ཡོ་གའི་ཚོགས་པ་ཞེས་པའི་ཚོགས་མི་རྣམས་ལ་ནད་པར་སྨན་བཅོས་བྱེད་སྐབས་བྱམས་སྙིང་རྗེའི་ཉམས་ལེན་བྱེད་སྟངས་ཀྱི་བརྗོད་གཞིའི་ཐོག་བཀའ་སློབ་བཀའ་དྲིན་སྩལ་རྒྱུ་དང་། དེ་རྗེས་ཚོགས་མི་རྣམ་པའི་དྲི་བར་བཀའ་ལན་སྩལ་རྒྱུ། མཛད་འཕྲིན་འདི་བཞིན་དོན་གཉེར་ཅན་རྣམ་པས་ས་གནས་སོ་སོའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།

ཟླ་ ༨ པ། 

ཚེས་ ༤ ནས་ ༦ ཉིན་གྲངས་གསུམ་རིང་གི་སྔ་དྲོ་ཆུ་ཚོད་ ༩།༠༠ ནས་ ༡༠།༠༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་རིགས་གཞོན་སྐྱེས་རྣམས་ཀྱིས་ཇི་ལྟར་གསོལ་བ་བཏབ་པ་བཞིན་རྗེ་ཙོང་ཁ་པས་མཛད་པའི་རྟེན་འབྲེལ་བསྟོད་པའི་བཀའ་ཆོས་སྩལ་རྒྱུ་དང་།  ཆུ་ཚོད་༡༠།༠༠ ནས་༡༠།༣༠ བར་ཚོགས་པ་དེའི་ཚོགས་མི་རྣམས་དང་ལྷན་དུ་དྲི་བ་དྲིས་ལན་གནང་རྒྱུ། 

བཀའ་ཆོས་དེ་ཨིན་ཇི། རྒྱ་གར། བལ་ཡུལ། རྒྱ་ནག། ཕེ་རན་སི། ར་ཤི་ཡ། སི་པེན། ཝི་ཏ་ནམ། ཉི་འོང་། སོག་པོ། ཀོ་རི་ཡ། ཇར་མི་ནི། པོར་ཇུ་གྷལ་དང་ཨི་ཊ་ལིའི་བཅས་ཀྱི་སྐད་རིགས་ནང་གསུང་སྒྱུར་ཞུས་ཏེ་ཐད་གཏོང་གནང་རྒྱུ་ལགས་ན། དོན་གཉེར་ཅན་རྣམས་ནས་དགའ་ལྡན་ཕོ་བྲང་གི་དྲ་ཚིགས་དང་། ༸གོང་ས་མཆོག་གི་ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ། འདིར་ནོན།  

ཚེས་ ༡༢ ཉིན་རྒྱ་གར་གྱི་སྔ་དྲོའི་ཆུ་ཚོད་༩ ནས་ ༡༠ བར་༸གོང་ས་མཆོག་དང་ལྷན་དུ་ཨ་རིའི་ཞི་བདེའི་སྟི་གནས་སློབ་གཉེར་ཁང་གི་དབུ་འཛིན་ནེན་སི་ལིན་བོརྒ་༼Nancy Linborg, CEO, USIP༽ལགས་དང་། དེ་གའི་མི་རབས་འཕོ་འགྱུར་གྱི་ཉམས་ཞིབ་པ་ཁག་གཅིག་བཅས་ནས་རྙོག་ཟིང་དང་། ཁོ་ཝིཌ་ནད་ཡམས། བྱམས་བརྩེ་༼ Conflict, COVID and Compassion༽ བཅས་ཀྱི་འབྲེལ་བའི་སྐོར་ལ་བགྲོ་གླེང་གནང་འཆར་ཡོད་ཅིང་། ཨ་རིའི་ཞི་བདེ་སྟི་གནས་སློབ་གཉེར་ཁང་༼USIP༽ ནས་འདས་པའི་ལོ་མང་རིང་འཛམ་གླིང་ནང་ཟིང་འཁྲུགས་ཡོད་སའི་ཡུལ་ལུང་ཁག་ནས་གཞོན་སྐྱེས་ཞི་བདེའི་སྣེ་ཁྲིད་པ་མང་དག་ཅིག་བཞུགས་སྒར་དྷ་ས་སོགས་སུ་༸གོང་ས་མཆོག་དང་ལྷན་དུ་བྱམས་བརྩེ་དང་བཟོད་སྒོམ་སོགས་ཕུགས་རྩ་བརྟན་པའི་ཞི་བདེའི་གཞི་རྟེན་ཡིན་སྐོར་བགྲོ་གླེང་གནང་བར་ཁྲིད་ཕེབས་ཡོད།

ད་ལམ་གྱི་ཐད་སྟོན་བགྲོ་གླེང་གསན་གཟིགས་གནང་མཁན་ཚོས་འདོད་ཡོད་ཚེ་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་བོད་དབྱིན་རྒྱ་སྐད་སོགས་སྐད་རིགས་མི་འདྲ་བ་དུ་མའི་ནང་དགའ་ལྡན་ཕོ་བྲང་གི་དྲ་རྒྱ་དང་ངོ་དེབ་སོགས་བརྒྱུད་གསན་གཟིགས་གནང་དགོས་པ་དགོངས་འཇགས་འཚལ། 

ཚེས་༢༥ ཉིན་རྒྱ་གར་དུས་ཚོད་སྔ་དྲོ་ཆུ་ཚོད་༩ ནས་ ༡༠ བར་དེང་རབས་ཀྱི་ཤེས་ཡོན་ལམ་ལུགས་ནང་ཆོས་ལུགས་དང་མ་འབྲེལ་བའི་སྤྱོད་བཟང་མཁོ་ཚུལ་༼ The Need for Secular Ethics in the Modern Education System༽ གྱི་བགྲོ་གླེང་དང་། དེ་འབྲེལ་དྲི་བར་བཀའ་ལན་སྩོལ་རྒྱུ་ཡིན་ཞིང་། བགྲོ་གླེང་འདི་བཞིན་སེམས་བསྲེ་བ་༼ Mind Mingle༽ ཞེས་པའི་ལས་འཆར་ཚོགས་པས་གོ་སྒྲིག་ཞུས་པ་དང་། ལས་འཆར་དེ་ནི་ཕྲུ་གུའི་ལུས་དང་སེམས་ཁམས་ཕྱོགས་ཡོངས་ནས་གསོ་སྐྱོང་བྱ་ཐབས་ལ་དམིགས་ཏེ་ཉམས་མྱོང་དངོས་དང་འབྲེལ་བའི་ཤེས་ཡོན་སྤེལ་བའི་ཐབས་ལམ་འཚོལ་བ་དང་། དགོས་དོན་ལྡན་པའི་ཤེས་ཡོན་སྤྲོད་པ། དེ་བཞིན་ཕྲུ་གུ་སོ་སོའི་མོས་བློ་དང་ནུས་པ་མི་འདྲ་བ་རྣམས་ཤེས་པའི་ཐོག་ནས་ཤེས་ཡོན་སྤྲོད་ཐབས་བཅས་ཀྱི་བསམ་བློའི་འཆར་སྒོ་ལྡན་པའི་ཚོགས་པའི་ལས་འཆར་ཞིག་ཡིན།

ད་ལམ་གྱི་ཐད་སྟོན་བགྲོ་གླེང་གསན་གཟིགས་གནང་མཁན་ཚོས་འདོད་ཡོད་ཚེ་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་བོད་དབྱིན་རྒྱ་སྐད་སོགས་སྐད་རིགས་མི་འདྲ་བ་དུ་མའི་ནང་དགའ་ལྡན་ཕོ་བྲང་གི་དྲ་རྒྱ་དང་ངོ་དེབ་སོགས་བརྒྱུད་གསན་གཟིགས་གནང་དགོས་པ་དགོངས་འཇགས་འཚལ། 

ཟླ་ ༩ པ།

ཚེས་ ༤ ནས་ ༦ ཉིན་གྲངས་གསུམ་རིང་གི་སྔ་དྲོ་ཆུ་ཚོད་ ༩།༠༠ ནས་ ༡༠།༠༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨེ་ཤི་ཡའི་ཚོགས་སྡེ་ཁག་ཅིག་ནས་ཇི་ལྟར་གསོལ་བ་བཏབ་པ་བཞིན་བཀའ་ཆོས་ཤིག་སྩལ་རྒྱུ། ཆུ་ཚོད་༡༠།༠༠ ནས་༡༠།༣༠ བར་ཚོགས་མི་རྣམས་དང་ལྷན་དུ་དྲི་བ་དྲིས་ལན་གནང་རྒྱུ། 

བཀའ་ཆོས་དེ་ཨིན་ཇི། རྒྱ་གར། བལ་ཡུལ། རྒྱ་ནག། ཕེ་རན་སི། ར་ཤི་ཡ། སི་པེན། ཝི་ཏ་ནམ། ཉི་འོང་། སོག་པོ། ཀོ་རི་ཡ། ཇར་མི་ནི། པོར་ཇུ་གྷལ་དང་ཨི་ཊ་ལི་བཅས་ཀྱི་སྐད་རིགས་ནང་གསུང་སྒྱུར་ཞུས་ཏེ་ཐད་གཏོང་གནང་རྒྱུ་ལགས་ན། དོན་གཉེར་ཅན་རྣམས་ནས་དགའ་ལྡན་ཕོ་བྲང་གི་དྲ་ཚིགས་དང་། ༸གོང་ས་མཆོག་གི་ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།  འདིར་ནོན།  

ཟླ་ ༡༠ པ།

ཚེས་ ༢ ནས་ ༤ ཉིན་གྲངས་གསུམ་རིང་གི་སྔ་དྲོའི་ཆུ་ཚོད་ ༩ པ་ནས་༡༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐའེ་ཝན་གྱི་དད་ལྡན་མི་མང་གིས་ཇི་ལྟར་གསོལ་བ་བཏབ་པ་ལྟར་རྗེ་ཙོང་ཁ་པ་ཆེན་པོས་མཛད་པའི་དྲང་ངེས་ལེགས་བཤད་སྙིང་པོའི་གསུང་ཆོས་བཀའ་དྲིན་སྩལ་རྒྱུ་དང་། ཆུ་ཚོད་ ༡༠ པ་ནས་ ༡༠།༣༠ བར་ཆོས་ཞུ་བའི་ཁྲོད་ཀྱི་བཀའ་འདྲི་ཁག་གཅིག་ལ་བཀའ་ལན་སྩལ་རྒྱུ། 

བཀའ་ཆོས་འདི་བཞིན་ཨིན་ཇི། རྒྱ་གར། བལ་ཡུལ། རྒྱ་ནག། ཧྥ་རན་སི། ར་ཤི་ཡ། སི་པེན། ཝེ་ཏི་ནམ། ཉི་ཧོང་། སོག་པོ། ཀོ་རི་ཡ། འཇར་མན། པོར་ཇུ་གྷལ། ཨི་ཊ་ལི་བཅས་ཀྱི་སྐད་རིགས་ནང་གསུང་སྒྱུར་གྱིས་ཐད་གཏོང་ཞུ་རྒྱུ་དང་། དོན་གཉེར་ཅན་རྣམས་ཀྱིས་དགའ་ལྡན་ཕོ་བྲང་གི་དྲ་ཚིགས་དང་། ངོ་དེབ་ནང་ཐད་ཀར་གསན་གཟིགས་གནང་ཐུབ། ཆོས་ཞུ་བ་རྣམས་ནས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།

ཚེས་ ༡༥ ཉིན་རྒྱ་གར་གྱི་སྲིད་འཛིན་ཟུར་པ་སྐུ་གཤེགས་ཨེ་པི་ཇེ་ ཨབ་དུལ་ ཀ་ལམ་མཆོག་གི་རྒྱལ་སྤྱིའི་ཐེབས་རྩ་ལས་ཁང་ནས་གོ་བསྒྲིགས་ཞུས་པ་བཞིན་སྲིད་ཟུར་ཨབ་དུལ་ ཀཱ་ལམ་མཆོག་འཁྲུངས་ནས་ལོ་ངོ་༨༩ འཁོར་བའི་དུས་དྲན་སྲུང་བརྩི་དང་འབྲེལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཚོགས་འདུའི་སྐུ་མགྲོན་གཙོ་བོར་མགྲོན་འབོད་ཀྱིས་བཀའ་སློབ་དང་དྲི་བ་ཁག་ལ་བཀའ་ལན་སྩལ་རྒྱུ་ཡིན་ཞིང་། བཀའ་སློབ་འདི་བཞིན་དགའ་ལྡན་ཕོ་བྲང་གི་གཞུང་འབྲེལ་བརྒྱུད་ལམ་ཁག་ནས་བོད་དབྱིན་རྒྱ་སྐད་སོགས་སྐད་རིགས་སྣ་མང་ཐོག་གསུང་བསྒྱུར་གྱིས་ཐད་གཏོང་ཞུ་རྒྱུ་དང་། གསན་གཟིགས་གནང་མཁན་ཚོས་ས་གནས་སོ་སོར་བཅས་པའི་སྤྱི་ཚོགས་རྒྱང་བཀྱེད་ཀྱི་བཀའ་རྒྱ་ལས་མི་འདའ་བར་གསན་གཟིགས་གནང་དགོས་པ་དགོངས་འཇགས་འཚལ།