སྙིང་རྗེ་གོང་འཕེལ་དུ་གཏོང་བའི་ཐབས་ལམ་མི་འདྲ་བ་གསུམ་ཡོད།

སྤྱིར་སྙིང་རྗེ་ཙམ་སེམས་ཅན་ཕལ་མོ་ཆེའི་རྒྱུད་ལ་ཡོད་ཅེས་བརྗོད་ནུས། རྒྱུ་མཚན་ནི། སེམས་ཅན་ཡིན་ནོ་ཅོག་ལ་སྡུག་བསྔལ་མི་འདོད་པའི་བློ་རང་ཆས་སུ་ཡོད། དེའི་ཆ་ནས་རང་དང་སྙིང་ཉེ་བའི་ཡུལ་ལ་དམིགས་ནས་སྡུག་བསྔལ་དང་བྲལ་ན་སྙམ་པའི་བློ་ཞིག་ཕལ་ཆེར་སེམས་ཅན་ཀུན་ལ་ཡོང་ཆོག་པ་ཡིན། ལྷག་པར་དུ་མི་ལ་སོགས་པ་མངལ་སྐྱེས་དང་སྒོང་སྐྱེས་ཀྱི་རིགས་རྣམས་ཕལ་མོ་ཆེ་ཆུང་དུས་མ་ཡིས་གསོས་པ་ལས་འཚར་དགོས་པ་འབའ་ཞིག་ཡིན་པས་མའི་ངོས་ནས་བརྩེ་བ་མེད་པར་བུ་ཕྲུག་གསོ་བའི་དོན་དུ་དཀའ་སྤྱད་ལྷུར་ལེན་པ་མི་འོང་ལ། བུ་ཕྲུག་གི་ངོས་ནས་ཀྱང་མ་ལ་བརྩེ་བ་མེད་པར་བུ་ཕྲུག་གསོ་བའི་དོན་དུ་དཀའ་སྤྱད་ལྷུར་ལེན་པ་མི་འོང་ལ། བུ་ཕྲུག་གི་ངོས་ནས་ཀྱང་མ་ལ་བརྩེ་བ་མེད

ཆགས་སྡང་གི་རྩ་བ་སྤོང་ཕྱིར་བདག་མེད་པའི་ཆོས་ཚུལ་གསུངས།

ཆགས་པ་ཞེས་པ་ཡིད་དུ་འོང་བའི་ཡུལ་དང་དུ་ལེན་པའི་ཞེན་པ་ཞིག་ལ་གོ་ཞིང་།  ཞེ་སྡང་ཞེས་པ་ཡིད་དུ་མི་འོང་བའི་ཡུལ་ལ་རྒྱབ་ཀྱིས་ཕྱོགས་པའི་སྒོ་ནས་སྡང་བའམ་ཐག་བསྲིང་བའི་བློ་ཞིག་ལ་གོ་དགོས།  ཡིད་དུ་འོང་མི་འོང་ཞེས་པ་ཡང་བདག་གམ་རང་ལ་ལྟོས་ནས་འཇོག་པ་ཡིན། དེ་ཡང་ང་ལ་ཡིད་དུ་འོང་བར་སྣང་ཞེས་ཆགས་པ་དང་ཡིད་དུ་མི་འོང་བར་སྣང་ཞེས་སྡང་བར་བྱེད་པ་ཡིན། དེར་བརྟེན་ངའོ་སྙམ་པའི་བློ་དང་མ་འབྲེལ་བར་ཡིད་དུ་འོང་མི་འོང་འཇོག་སྟངས་མེད། དེ་ལྟ་བུའི་ང་དེར་དམིགས་པའི་ངར་འཛིན་ཨ་འཐས་ཇི་ཙམ་ཤུགས་ཆེ་བ་ཡོད་པ་དེའི་ཚོད་ཀྱིས་ང་སྣང་བའི་ཡུལ་ཡིད་དུ་འོང་བ་ལ་ཆགས་པ་དང་། ང་སྣང་བའི་ཡུལ་ཡིད་དུ་མི་འོང་བ་ལ་སྡང་བ་སྐྱེ་བ་ཡིན། དེས་ན་སངས་རྒ

ཐར་པ་ཞེས་པ་ཕྱི་རོལ་ཏུ་ཡོད་པའི་ཞིང་ཁམས་ལྟ་བུ་ཞིག་ཏུ་ངོས་འཛིན་མི་བྱེད།

སངས་རྒྱས་བཅོམ་ལྡན་འདས་ཀྱིས་བདག་མེད་པའི་རྣམ་གཞག་གསུངས་པའི་དགོས་དོན་ནི། སྡུག་བསྔལ་རྣམས་སེམས་མ་དུལ་བའི་དབང་གིས་ཡོང་བ་ཀུན་གྱི་མཐུན་སྣང་དུ་གྲུབ་ཅིང་།  སེམས་མ་དུལ་བ་ཆགས་སྡང་ལ་བརྟེན་པ་དང་། ཆགས་སྡང་གཉིས་པོ་བདག་ཏུ་ཞེན་པ་ལ་བརྟེན་ནས་ཡོང་བ་སོགས་ཞིབ་ཏུ་དཔྱད་དེ་དགོངས་པ་བཞེས་ཡོད། སངས་རྒྱས་པའི་ཆོས་འདི་ཆོས་ལུགས་གཞན་གང་དང་ཡང་མི་འདྲ་བའི་ཁྱད་ཆོས་དེ་བདག་མེད་པའི་རྣམ་གཞག་གསུངས་པའི་ཐོག་ནས་འཐོན་དགོས། དེ་དང་འབྲེལ་ཏེ་ཐར་པ་ཞེས་པ་ཕྱི་རོལ་ཏུ་ཡོད་པའི་ཞིང་ཁམས་ལྟ་བུ་ཞིག་ཏུ་ངོས་འཛིན་མི་བྱེད་པར་རང་རྒྱུད་ཀྱི་ཕྱིན་ཅི་ལོག་གི་བློའམ་འཆིང་བྱེད་ཀྱི་ཉོན་མོངས་དང་བྲལ་བའི་སེམས་རྒྱུད་ཀྱི་ཡོན་ཏན་ཞིག་ལ་བརྗོད་པ་ཡིན།

དབང་ཆ་གཟུང་རྒྱུ་ཁོ་ནའི་ཐོག་ལ་ཤུགས་བརྒྱབ་ནས་ཕྱིན་པ་དེས་ལམ་ལུགས་བཙོག་པར་འགྱུར་བའི་གནས་སྟངས་བྱུང་ཡོད། 

གཞི་རྩའི་ཆ་ནས་བདེ་སྡུག་གི་འབྲས་བུ་དེ་མི་རང་རང་གི་ལས་ལ་བརྟེན་ནས་འབྱུང་བ་ཡིན་ཀྱང་།  སྤྱི་ཚོགས་ཀྱི་ཤུགས་རྐྱེན་ཁག་འཕྲལ་གྱི་རྐྱེན་དུ་འགྱུར་བའི་སྐབས་ཡོད།  སེམས་མེད་བེམ་པོའི་ཆོས་ལ་སྤྱི་ཚོགས་ཞེས་པའི་རྣམ་གཞག་མེད་པར་སྤྱི་ཚོགས་ཞེས་པ་སེམས་ལྡན་གྱི་དངོས་པོའི་སྟེང་ནས་གཞག་དགོས། དེར་བརྟེན་སྤྱི་ཚོགས་སྤྱི་ཡོངས་ཀྱི་ཆ་ནས་དྲང་པོ་དང་སེམས་བཟང་པོ་ཡོད་པ་ཞིག་བྱུང་ན་སྤྱི་ཚོགས་དེ་བདེ་སྐྱིད་ལྡན་པ་ཞིག་ཏུ་འགྱུར་ཐུབ། བདེ་སྐྱིད་ཅེས་པ་ནང་ཤེས་པའི་མྱོང་བའི་སྟེང་ནས་གཞག་དགོས་པས་ཕྱི་དངོས་པོའི་ཡར་རྒྱས་རྐྱང་པས་བདེ་སྐྱིད་ཡོང་བའི་ངེས་པ་མེད། དེས་ན་སྤྱི་ཚོགས་ནང་འབྱུང་བཞིན་པའི་སྐྱོན་ཆ་རྣམས་སྤྱི་ཚོགས་ཀྱིས་བྱས

མ་རུངས་པའི་བྱ་བར་གདོང་ལེན་དང་བྱེད་པ་པོ་གང་ཟག་ལ་སྙིང་རྗེ་བྱེད་པ་སྟེ་བྱ་བ་དང་བྱེད་པ་པོའི་དབར་དབྱེ་བ་འབྱེད་དགོས། 

རང་གི་དགྲས་མཚོན་པའི་སེམས་ཅན་གཞན་གྱི་བདེ་དོན་ལ་བརྩི་བཀུར་བྱེད་པའི་བསམ་བློར་བརྟེན་ཅིང་། ཆོས་ལ་མ་བརྟེན་པའི་སྤྱོད་བཟང་ཡང་ཕ་རོལ་པོའི་རྣམ་འགྱུར་ལ་བརྟེན་པའི་བརྩེ་བ་བརྒྱུད་ནས་དར་སྤེལ་གཏོང་དགོས། འདིའི་སྐབས་ངེས་པར་དུ་བྱེད་པ་པོ་དང་བྱ་བ་གཉིས་ཀྱི་དབར་དབྱེ་བ་འབྱེད་དགོས། བྱེད་པ་པོ་དགྲ་བོར་མཚོན་ན་རང་དང་མཚུངས་པར་འགྲོ་བ་མི་གཅིག་པ་ཡིན་ཞིང་། ཁོང་ཚོར་ཡང་བདེ་སྡུག་ལ་འདོར་ལེན་བྱེད་པའི་ཐོབ་ཐང་ཡོད། ཐོབ་ཐང་དེ་འདྲ་ཞིག་ཡོད་པའི་ཆ་ནས་རང་གི་དགྲ་ལ་དམིགས་ནས་བརྩེ་བ་བཅངས་དགོས་པ་རེད། འོན་ཀྱང་གནོད་འཚེ་ཅན་གྱི་བྱ་བ་མ་རུངས་པ་བྱེད་པའི་ཆ་ནས་བཤད་ན་ང་ཚོས་བྱ་བ་ངན་པ་དེ་འགོག་པའི་དོན་དུ་གདོང་ལེན་ངེས་པར་དུ་བྱེད་དགོས། དེ་

ཆགས་པ་དང་འབྲེལ་བ་དང་མ་འབྲེལ་བའི་བརྩེ་བའི་ཁྱད་པར།

སོ་སོའི་དགའ་ཉེ་བློ་དཀར་ལ་དམིགས་ནས་སྡུག་བསྔལ་དང་བྲལ་ན་སྙམ་པའི་སྙིང་རྗེ་ལྟ་བུ་རང་རེ་ཕལ་པའི་རྒྱུད་ལ་ཡང་ཡོད།  སྙིང་རྗེ་འདི་དུད་འགྲོའི་རིགས་ལ་ཡང་འབྱུང་བ་ཡིན། དཔེར་ན།   དུད་འགྲོ་ཞིག་ནད་ཀྱིས་མནར་བའམ་རྨས་པའི་སྐབས་སུ་དུད་འགྲོའི་རོགས་པ་གཞན་གྱིས་དེར་རོགས་པ་བྱེད་པ་ལྟ་བུ་ཡིན།   སྤྱི་ཚོགས་ལ་བརྟེན་ནས་འཚོ་བའི་སེམས་ཅན་ཕལ་ཆེར་ལ་འདི་ལྟ་བུའི་སྙིང་རྗེ་སྐྱེ་བ་ཡོད།  སྤྱི་ཚོགས་ལ་བརྟེན་པ་མིན་པར་ཁེར་རྐྱང་ངང་འཚོ་བའི་སེམས་ཅན་གྱི་རིགས་འགའ་ཞིག་ལ་ཡང་བརྩེ་བ་སྐྱེ་བའི་སྐབས་ཡོད་སྲིད།  དེ་ལྟར་གཞན་སྡུག་བསྔལ་གྱིས་མནར་བ་མཐོང་བའི་ཚེ་དེ་ལས་བྲལ་ན་སྙམ་པའི་བློ་ཞིག་ཀུན་ལ་རང་ཆས་སུ་ཡོད་ཀྱང་དེ་

སྒོ་ལྔའི་ཤེས་པ་དུད་འགྲོ་རྣམས་མི་ལས་ཀྱང་ནུས་པ་ཆེ་བ་ཡོད།

སེམས་མ་དུལ་བ་ལ་བརྟེན་ནས་ཡོང་བའི་སྡུག་བསྔལ་རྣམས་སེམས་སྟེང་གི་སྡུག་བསྔལ་གྱི་རྒྱུ་བྱེད་པའི་མ་རིག་པར་གཉེན་པོ་བསྟེན་ནས་སེལ་ཐབས་བྱེད་དགོས།  གཉེན་པོ་དེ་ཡང་སེམས་རང་སྟེང་གི་རྣམ་དཔྱོད་ལ་བརྟེན་དགོས་ལ། དེ་ཡང་མིའི་ཀླད་པ་དང་འབྲེལ་བའི་རྣམ་དཔྱོད་ལ་བརྟེན་དགོས། མིག་གིས་གཟུགས་མཐོང་བ་དང་རྣ་བས་ཐག་རིང་གི་སྒྲ་ཐོས་པ། སྣ་ཡིས་ཐག་རིང་གི་དྲི་ཚོར་བ་ལྟ་བུ་རང་རེ་མི་རྣམས་ལས་ཀྱང་དུད་འགྲོའི་རིགས་འགའ་ཞིག་ནུས་པ་ཆེ་བ་ཡོད། དཔེར་ན། གླང་ཆེན་གྱི་རྣས་ཐག་རིང་གི་སྒྲ་ཐོས་ཤིང་སྣ་ཡང་ཀེར་བས་ཐག་རིང་གི་དྲི་ཚོར་གྱི་ཡོད། རང་རེའི་མིའི་རྣ་བ་དང་སྣས་དེ་ལྟར་མི་ནུས། སྒོ་ལྔའི་ཤེས་པ་དང་འབྲེལ་ནས་བཤད་ན། དུད་འགྲོ་རྣམས་མི་ལས་ཀྱང་

བདེ་བ་ཅན་གྱི་ཞིང་དུ་བགྲོད་པའི་ལམ་ཡིག་འཚོང་བ་ནི་དངོས་གནས་ཕྱིན་ཅི་ལོག་ཡིན།

དེང་སང་འཛམ་གླིང་འདིའི་ཐོག་མི་སྤྱི་དང་ལྷག་པར་ཤེས་ཡོན་ཅན་གྱི་ཁྲོད་ནང་ཆོས་ལ་དོ་སྣང་བྱེད་མཁན་མང་དུ་འགྲོ་བཞིན་པ་དང་བསྟུན་ཆོས་འབག་ལ་གྱོན་ཏེ།  རྒྱུ་དངོས་སོགས་འདོད་པའི་ཡོན་ཏན་དང་བུད་མེད་འཚོལ་མཁན་གྱི་སྐབས་འཚོལ་བ་ཟོག་རྫུ་ཁྱད་མཚར་དེ་འདྲ་ཡོང་གི་འདུག །དེང་སང་བོད་ནང་དུ་ཡང་དེ་རིགས་ཡོང་གི་ཡོད་སྐོར་རྗོད་ཀྱི་འདུག །ཉེ་ཆར་ངོས་ཀྱི་གོ་ཐོས་ལ།  རྒྱ་མི་རིགས་ཚོར་བདེ་བ་ཅན་གྱི་ཞིང་ཞེས་བརྗོད་དེ་སྨོན་ལམ་རྒྱག་པའི་སྲོལ་ཤུགས་ཆེན་པོ་ཡོད་པར་བརྟེན།  བོད་ནས་རྒྱ་ནག་ཏུ་མར་ཡོང་བའི་བླ་མ་དང་མཁན་པོ་ཡིན་ཞེས་ཆོས་འཆད་མཁན་འགའ་ཞིག་གིས་རྒྱ་མི་རིགས་ལ་བདེ་བ་ཅན་གྱི་ཞིང་དུ་བགྲོད་པའི་ལམ་ཡིག་འཚོང་གི་ཡོད་པ་དང་།  དེ་ཡང་གོང་ཆེན

བོད་ཀྱི་ཆོས་རིག་གི་མཚན་མཐོང་གིས་བོད་མི་རིགས་ཀྱི་སྤོབས་པ་ཆེ་རུ་འགྲོ་རྒྱུ་རེད།


ཚན་རིག་པ་དང་ཐུག་སྟེ་སྐད་ཆ་བཤད་པ་ཡིན་ན་ནུབ་ཕྱོགས་པའི་སེམས་ཁམས་རིག་པ་ཧ་ཅང་ཚད་དམའ་བོ་རེད།  དེར་བརྟེན་ལོ་ངོ་སྟོང་ཕྲག་རིང་མཁན་ཆེན་ཞི་བ་འཚོ་ཡབ་སྲས་ཀྱིས་ང་ཚོར་ཞེ་ས་མ་ཞུས་ན་ཐུགས་བློས་འགེལ་གནང་བ་དེ་ང་ཚོ་བོད་པས་ཀོ་ཐག་རྩ་བ་ནས་གློད་མེད། འདི་ང་ཚོ་བོད་མི་རིགས་ཀྱི་གཟི་བརྗིད་ཡིན།  བོད་མི་རིགས་གཅིག་གྱུར་ཡོང་བ་དེ་ཡང་འདིའི་ཐོག་ནས་ཤུགས་རྐྱེན་ཆེན་པོ་ཞིག་ཐེབས་ཡོད།  ཆོལ་ཁ་གསུམ་ཡོངས་རྫོགས་ཆབ་སྲིད་ཐོག་ཁ་བྲལ་དུམ་བུར་ཕྱིན་ཡོད་ཀྱང་།  ཆོས་དང་རིག་གཞུང་སྐད་ཡིག་བཅས་ཀྱི་ཐོག་གཅིག་གྱུར་བྱས་ནས་བསྡད་པ་རེད།  མ་འོངས་པར་ཡང་སངས་རྒྱས་ཀྱི་ཆོས་ལ་ཆོས་ཕྱོགས་ཀྱི་དད་པ་དང་སྨོན་ལམ་བརྒྱབ་པ་ཙམ་མ་ཡ

བོད་པ་མང་པོ་ཞིག་གིས་ངོས་སྤྱན་རས་གཟིགས་སྐུ་ཤ་རློན་པ་རེད་ཟེར་གྱི་ཡོད།  



བོད་པ་མང་པོ་ཞིག་གིས་ངོས་སྤྱན་རས་གཟིགས་སྐུ་ཤ་རློན་པ་རེད་ཟེར་གྱི་ཡོད།  དེ་འདྲ་རང་ཡིན་མིན་གང་ཤེས།  དམིགས་བསལ་བོད་ནས་ཡོང་བའི་བོད་མི་ཚོས་༸རྒྱལ་བ་རིན་པོ་ཆེ་སྤྱན་རས་གཟིགས་ཀྱི་སྐུ་གསོན་པོར་རྩི་བཞིན་ཡོད།  སྔོན་མ་མོན་གྷོར་གཞིས་ཆགས་ཐོག་མར་ཚུགས་སྐབས་བལ་ཡུལ་ནས་རྒྱ་གར་ལ་ཐད་ཀར་ཡོང་བའི་གྲོང་གསེབ་པ་ཁག་ཅིག་ཡོད་པ་ངོས་རང་གཞིས་ཆགས་དེར་སླེབས་སྐབས་ཁོང་ཚོ་ཁ་ཤས་ཀྱིས་ཨ་ཙི་སྤྱན་རས་གཟིགས་གོམ་པ་བསྐྱོན་ནས་ཕེབས་ཀྱི་འདུག་ཅེས་ཤོད་ཀྱི་ཡོད།  (བཞད་མོ་བཞད།)  སྤྱན་རས་གཟིགས་ཞུ་བ་མཆོད་བཤོམས་ནང་བཞུགས་མཁན་གྱི་བསམ་བློ་འཁོར་གྱི་ཡོད་པ་རེད།  གང་ལྟར་ངོས་སྤྱན་རས་གཟིགས་ཡིན་མིན་མི་ཤེས་ཏེ།