ང་ཚོ་འཆི་བདག་གི་ཉེ་འགྲམ་དུ་འགྲོ་སྐབས། རང་ཉིད་ལ་འགྱོད་གདུང་མེད་པའི་ཁག་ཐག་བྱེད་པར་ང་ཚོས་ད་ལྟ་ནས་གཞན་ལ་སྙིང་རྗེ་དང་རང་གི་བྱ་སྤྱོད་ལ་འགན་ཁུར་དགོས། དོན་དངོས་སུ་བརྗོད་ན། དེ་ལྟར་བྱེད་པ་ནི་སོ་སོའི་ཁེ་ཕན་ཞིག་ཀྱང་ཡིན་ལ། འདི་ནི་འབྱུང་འགྱུར་རང་ལ་ཕན་པའི་རྒྱུ་མཚན་གཅིག་པུས་མིན་ཞིང༌། ང་ཚོས་མཐོང་གསལ་ལྟར་སྙིང་རྗེས་ང་ཚོའི་མི་ཚེ་ལ་དོན་སྙིང་སྦྱིན་གྱི་ཡོད། སྙིང་རྗེ་ནི་ཡུན་དུ་བརྟན་པའི་དགའ་བདེའི་འབྱུང་ཁུངས་དང༌། གཞན་སེམས་སློང་བའི་གཞི་མའང་ཡིན། བདེན་པ་དང༌། དྲང་བདེན། གཡོ་སྒྱུ་མེད་པ། བྱམས་བརྩེ་སོགས་གཞན་གྱི་ཕྱོགས་ལ་བསྐྱེད་ན། ང་ཚོས་རང་ཉིད་ཀྱི་ཁེ་ཕན་སྲུང་གི་ཡོད། འདི་ནི་གཞུང་ལུགས་ཀྱི་རྙོག་འཛིང་གི་གནད་དོན

ཆོས་ལུགས་མཐུན་འབྲེལ་གྱི་འགོག་རྐྱེན་གཙོ་བོ་ནི། ཕལ་ཆེར་ཆོས་ལུགས་ཀྱི་སྲོལ་རྒྱུན་གཞན་གྱི་རིན་ཐང་མ་མཐོང་བ་འདི་ཡིན་ཞིང༌། ལྟོས་ས་ལྟོས་འཇོག་གིས་བརྗོད་ན། ཉེ་ཆར་མ་གཏོགས་རིག་གཞུང་ཐ་དད་པའི་བར་དང༌། ཐ་ན་གྲོང་སྡེ་ཐ་དད་པའི་བར་ལའང་བརྡ་འཕྲིན་གྱི་འགྲོས་དལ་བའམ་མེད་པ་ཡིན། དེའི་རྒྱུ་མཚན་གྱིས་ཆོས་ལུགས་གཞན་གྱི་རྗེས་འབྲང་བ་ཚོ་དང་ཁྱིམ་མཚེས་སུ་བསྡད་མེད་ཚེ། ཆོས་ལུགས་གཞན་གྱི་སྲོལ་རྒྱུན་ལ་བརྩི་འཇོག་བྱེད་པ་དགོས་ངེས་ཤིག་ཆགས་མེད། འོན་ཀྱང༌། ད་ལྟ་བསམ་བློ་གཏོང་སྟངས་འདི་ནི་འོས་འཚམ་ཞིག་མིན་ཞིང༌། གཅིག་ལ་གཅིག་རྟེན་ཡིན་པའི་འབྲེལ་བ་སྣེ་མང་རྙོག་འཛིང་ལས་གྲུབ་པའི་དེང་གི་འཛམ་གླིང་དུ། མི་རིགས་གཞན་དང༌། རིག་གཞུང་གཞན། ད་

རང་སེམས་ལྷོད་ལ་བབས་ནས་དགའ་བདེ་ལ་རོལ་བ་ནི། གཞན་ལ་འཚེ་བའི་སྦྱོར་བར་ལྟོས་ན་ལེགས་པར་མ་ཟད། རྒྱུ་མཚན་དང་མཐུན་པ་ཞིག་ཀྱང་མ་ཡིན་ནམ། དེར་བརྟེན་ཁྱེད་ཀྱིས་འཛམ་གླིང་གི་འདོད་རྒུ་ལ་ལོངས་སུ་སྤྱོད་པའི་ཁྲོད་ནས་དུས་ཚོད་ཅིག་རྙེད་ན། གཉའ་གནོན་བྱས་ཡོད་པའི་མི་དང༌། རྒྱུ་རྐྱེན་གང་ཞིག་གིས་སོ་སོས་རང་ཉིད་སྲུང་སྐྱོབ་མ་བྱས་པའམ་བྱེད་མ་ཐུབ་མཁན་ཚོར་ཆེ་ཆུང་ལ་མ་ལྟོས་པར་རོགས་སྐྱོར་གྱི་འབད་པ་བྱེད་རོགས། ན་ཚ་དང་དབུལ་ཕོངས་ཀྱིས་མནར་ཞིང༌། ཡིད་ལ་མི་སྡུག་པའི་མི་སོགས་མཐོང་ན་ཁ་གཞན་ལ་མི་འཁོར་བ་དང༌། མི་དེའི་རིགས་ནི་རང་ལས་དམན་པ་ཡིན་པའི་བསམ་བློ་ནམ་ཡང་མ་གཏོང་རོགས། ཅི་སྟེ་ཁྱེད་ཀྱིས་བྱེད་ཐུབ་ན། རང་ཉིད་ནི་ཆེས་ཉམ་ཐག་པའི་སྤྲང་པ

ཆོས་ལུགས་སོ་སོ་ལ་ལྟ་བ་ཐ་དད་པ་རེ་ཡོད་ཀྱང༌། ཆོས་ལུགས་སྣ་མང་གི་འདུ་ཤེས་རྣལ་མ་ཞིག་ང་ཚོས་ངེས་པར་དུ་གོང་འཕེལ་གཏོང་དགོས། འདི་ནི་ང་ཚོར་འགྲོ་བ་མིའི་ཐོབ་ཐང་དེ་ཡོངས་ཁྱབ་ཀྱི་རྩ་དོན་ཞིག་ཡིན་པའི་གདེང་འཇོག་བརྟན་པོ་ཞིག་ཡོད་ན་ལྷག་ཏུ་བདེན་པ་ཡིན་ཞིང༌། འདིའི་ཐད་ནས་འཛམ་གླིང་གི་ཆོས་ལུགས་ཁག་གི་གྲོས་ཚོགས་ཟེར་བ་ཞིག་བྱུང་ན་ཧ་ཅང་ལེགས་པར་མཐོང༌། དེ་ཡང་གྲོས་ཚོགས་ཞེས་པའི་ཚིག་འདིས་དམངས་གཙོའི་འདུ་ཤེས་ཤིག་སྟོན་ཞིང༌། ཆོས་ལུགས་ཁག་ཅེས་པའི་ཚིག་གིས་སྲོལ་རྒྱུན་སྣ་མང་དགོས་པའི་རྩ་དོན་གྱི་གལ་ཆེའི་རང་བཞིན་མཚོན་ཐུབ། གྲོས་ཚོགས་དེ་ལྟ་བུས་མཚོན་ཐུབ་པའི་ཆོས་ལུགས་སྣ་མང་གི་འདུ་ཤེས་རྣལ་མ་ལ་ཕན་ཡོན་རླབས་ཆེན་ཞིག་ཡོད་ངེས་ཤིང༌།

ང་ཚོས་ཞིབ་ཏུ་བསམ་གཞིག་བྱེད་སྐབས། ཆོས་ལུགས་ཀྱི་མིང་ཐོག་ནས་བྱུང་བའི་རྩོད་རྙོག་ལ་འབྱུང་ཁུངས་གཙོ་བོ་གཉིས་ཡོད་པར་མཐོང་ཐུབ་ལ། རྩོད་རྙོག་གཅིག་གི་འབྱུང་ཁུངས་ནི་ཆོས་ལུགས་སྣ་མང་གི་རང་བཞིན་ཏེ། ཆོས་ལུགས་ཕན་ཚུན་བར་ལ་གྲུབ་མཐའ་དང་རིག་གཞུང༌། ད་དུང་མངོན་གསལ་དོད་པོའི་ཉིན་རེའི་འཚོ་བའི་གོམས་སྲོལ་སོགས་ཀྱི་ཁྱད་པར་ཡོད་པ་འདི་དང༌། དེ་ནས་ཆབ་སྲིད་དང་དཔལ་འབྱོར་སོགས་ཀྱི་རྒྱུ་རྐྱེན་སྣ་ཚོགས་ཀྱི་རྒྱབ་ལྗོངས་དང༌། ལྷག་ཏུ་སྒྲིག་འཛུགས་ཀྱི་གནས་རིམ་དུ་འབྱུང་གི་ཡོད་པའི་རྩོད་རྙོག་ཅིག་ཡོད། ཆོས་ལུགས་ཀྱི་མཐུན་འབྲེལ་ལ་བརྟེན་ནས་ང་ཚོ་རྩོད་རྙོག་སྔ་མའི་རིགས་ལས་རྒྱལ་ཐུབ་ཀྱང༌། ཕྱི་མའི་རིགས་ལ་མཚོན་ན། སེལ་ཐབས་གཞན་ཞིག་ང་ཚོས་